Nimin zing khan Chief Minister Pu Lal Thanhawla leh amah tawiawmtu Sports Minister Pu Zodintluanga, Health Minister Pu Lal Thanzara leh Parliamentary Secretary Pu TT Zothansanga chuan Mizorama Sports Stadium lian ber tura duan Champhai Zotlanga Sports Stadium Complex sak mek chu a hmunah tlawhin an enfiah a, stadium sak hna kalpui dan te contractor-ten chipchiar takin an lo hrilhfiah a ni.

Metre 23,362 biala Sports Stadium Complex sak mek hi Sorkar laipuia Ministry of Urban Development-in cheng nuai 2238 vel sum tumin, UD&PA hmalakna hnuaia sak a ni a. Executing agency hi National Buildings Construction Corporation Ltd. niin, contractor chu M/s Balajee Developers, Delhi a ni a. Kumin March thla khan sak hna hi tan niin, September 2015 hian sak zawh tum a ni a. International Standard Football Ground (natural grass) bakah 8 lane running track, boxing hall pakhat (20mx20m), 2-wheeler 200 park theihna leh mipui 3,500 len theihna tur gallery panga awm tura duan a ni.

Attachment

  • Loading attachment...