Dampui khuaa Soil & water conservation dept. hnuaia coffee trade thlangtu chhungkaw 20 hnenah vawiin khan NLUP 2nd phase final instalment Pu John Rotluangliana, minister FC&CA etc leh bialtu MLA ni bawk chuan a sem.

NLUP semna hi Community Hall, Dampui-ah neih a ni a. A semtu minister chuan NLUP hi ram hmel tidanglam theitu a ni a, mizote hnam huaisen leh taima ti a inchhal thin kan nihna lan chhuahna tur pawimawh tak a nih thu a sawi a. Sawrkarin mipui ten rualrem zawka hmasawnna kawng kan zawh theihna tur a a duan nih avangin a dawngtu ten a hlawhtlinna atan taima taka kan thawh a ngai a ni, a ti.

Vawiina NLUP coffee trade thlangtu te hnena sum sem chhuah zat hi a vaiin Rs.4,26,000/- a ni a, beneficiary pakhatin Rs. 21,300/- theuh an dawng a ni.

Soil & Water conservation dept hnuaiah vek hian nimin khan Bawngva leh Darlakah Rubber leh hmunphiah trade thlangtu te hnenah NLUP 2nd phase final instalment Rs. 11,45,240/- sem chhuah a lo ni tawh a ni.