4887/2024-2025

Aizawl, the 28th March 2025: Vawiin khan Vanapa Hall-ah Chief Minister Pu Lalduhoma hovin Chief Minister's Bana Kaih Innovation Challege lawmman semna buatsaih a ni.

Chief Minister chuan, “Chief Minister Bana Kaih Innovation Challenge” component pali (4) a intihsiakna, thianghlim tak leh hlawhtling taka kan neih hnuah, vawiinah lawmman semna hun kan han hmang thei ta hi lawmawm ka ti a. A buatsaihtu Planning & Programmme Implementation Department chungah lawmthu ka sawi a ni.

Kan thupui ber leh kan au hla ber chu, kut hnathawktu leh mahni kut kea ding duh, mi tumruh leh taima te, an bana kai a, eizawnna ngel nghet an neih theih nana puih hi a ni a. Bana Kaih hnuaiah hian chutiang mi te chu Progress Partner kan ti a, a thawhkhatna (pilot project) hnuaiah mi 517 te thlan an ni. Chief Minister Special Package hnuaiah mi pakhatin Rs 1 lakh thleng an dawn theihna tura hmalakna a kal mek bawk.

Khawtlang, NGO leh Registered Societies te pawhin Bana Kaih Programme hi a zar zo ve se kan duh a. College students ten intihsiakna thianghlim Local Immersion Programme te nei se kan ti a. Chuvang chuan he Innovation Challenge te hi kan siam ta a ni.

Challenge-a lo tel Department zawng zawngte chungah lawmthu ka sawi a. Chutihlaiin, department tel ve ta lo leh ngaihsak lo te erawh chu an lo inenchian an ngaiin ka hria. Kan Department leh ram hmasawn nana Project tha leh innovative pawh kan siam chhuak thei lo a nih chuan a pawi hle dawn a ni. 

Ka rilrua lo lang chu, project selection-ah pawh hetiang zawnga kal tam hi a tha dawnin ka hria. Department te hian “Ready Shelf of Projects” lo nei vek ula, in Minister te rawn chungin “Priority list” siam bawk ula. Hun chep tak kara concept note siam fo ngai lovin, a nature of Projects azirin a fund source lo zawng thin ila tih hi a ni. 

District Innovation Challenge intihsiakna tihlawhtlungtu kan DC te chungah pawh lawmthu ka sawi. Mizo zingah hian innovators, mahni irawm chhuaka khawl leh hmanraw tangkai siam chhuak thiam, sum leh pai harsatna leh kaihruaitu tha neih loh vanga hma la thei lo kan awm thin hi pawi ka ti a. Chung mite tan chuan he innovation challenge hian malsawmna a thlen ngei ka beisei. 

Lawmman la tute zawng zawng ka lawmpui a. In lawmman dawn kha chu a Prize Money mai a ni a. In project te a hlawhtlin nan, a funding hi a tiam chu kan tiam bur rih lo che u a, amaherawhchu priority kan pe dawn a ni, a ti.

Pu Khilli Ram Meena, Chief Secretary pawhin thusawiin, innovation lama sawrkar hmalakna hi a thain a ropui a. Vawiina mite tan chauh a ni lo va, thangthar lo kal zel tur te tan pawha entawntlak hmalakna a ni. Kan innovator te pawhin in thil ngaihtuah chhuah, in thlen tum kha um zel ula, lo bansan suh u, tiin a chah.

Lawmman dawngtute hi:

 1. Departmental Innovation Challenge:

Sawrkar department hrang hrangte'n project pakhat theuh neiin intihsiakna neih a ni Department sawmhnih (20) lai telin, a titha department panga (5) thlan chhuah a a, lawmman dawngtute chu heng Department-te hi an ni:

1st prize: Horticulture Department 

2nd prize: Commerce & Industries Department leh Health & Family Welfare Department 

3rd prize: Irrigation & Water Resources Department leh Directorate of Science & Department Technology 

2. District Innovation Challenge: Mizoram district zawng zawngte'n DC kaihhruaina hnuaia an neih a ni a. He intihsiaknaah hian NGOs, LC/VC, Self-Help Group (SHGS), Primary Agricultural Credit Societies PACS) te leh Society anga in register zawng zawngte an tel a ni. District pakua (9) te an rawn tel a, district tin te'n an top 3 winners an rawn-thlang chhuak a ni.

Aizawl District: 

1st - Local Council Melthum

2nd - Thingsulthliah Producer Group, Thingsul Tlangnuam.

3rd - Village Organisation, Tuirial Airfield

Champhai District: 

1st - Champhai Jail Veng, Village Council 2nd - Mualkawi Producer Group 

3rd - Hnahlan Grape Farming & Processing Cooperative Society Ltd.

Saitual District:

1st - Venglai Branch, Keifang YMA 

2nd -  Saitual District Tung Grower Association 

3rd -  Bazar Branch Saitual YMA

Siaha District: 

1st - YLA No-aotlah

2nd - Sanghe Friends Group 

3rd - Mithun Breeder Society 

Mamit District:

1st - Darlak Agri and Allied Services Cooperative Society Ltd. 

2nd - Langkaih Group Cluster Level Federation Under MzSRLM Zawlnuam RD Block 

3rd - Young Mizo Association W. Phaileng Branch 

Lawngtlai District: 

1st - Phongpi Organic Farmer Producer Company Limited, Sangau

2nd - Bungzawl Organic Farmer Producer Company Limited, Bungtlang South

3rd - Village Council Court, Lawngtlai III

Khawzawl District: 

1st - Mizo Historical Village Society, Chawngtlai 

2nd -  Khawzawl Vengthar Branch, YMA

3rd -  Khawzawl Zaingen Branch, YMA 

Serchhip District: 

1st - Khawlailung Multipurpose Cooperative Society Ltd, 

2nd - Keitum Village Organisation, Keitum

3rd - Eri Joint liability Group (JLG), Baktawng

Hnahthial District: 

1st - Nauban SHG, S. Vanlaiphai

2nd - Sensiari Processing SHG, Hnahthial 3rd - Saitlang Self Help Group, Thingsai

4. Higher Educational Institutes Local Immersion Challenge: 

Mizoram sawkar hnuaia college-te, Central sawrkar hnuaia college-te leh private college-te he challenge-ah hian an tel a. Khaw hrang hrangah zirlaite kalin an riak a, an khaw kalnate'n harsatna an tawh te zirchiangin, a chhawk zangkhai theih dan tur dapin intihsiakna an nei a ni. College sawmhnih-paruk (26) he challenge-ah hian an tel a, college pathum (3) ti tha zualte lawmman pein, college tel zawng zawngte an khaw tlawhte tanpuina tur pawh hlan nghal a ni.

1st- Govt. Hrangbana College 

2nd -  Mizoram Christian College 

3rd - Pachhunga Unversity College.

4. Inventor's Challenge: Ngaihtuahna thar senga, thil tha leh tangkai duang chhuakte tan he intihsiakna hi buatsaih a ni. Thil thar/tih dan thar (innovation) chi hrang hrang rawn pho chhuakin, a titha zualte chu seed funding pein, an khawl siam chhuah nan an hmang dawn a ni. 

Higher Educational Institution-

Hardware category:

1st - B. Lalhruaitluanga; Invention: Small LED display for pubiic carrier system 

Software category:

1st - Lalhlimawma, Innovation: E-commerce 

2nd - Lalruatfela Chhakchhuak: Invention: Tlangau (waste management) 

3rd - Fayek Ahmed, Invention: Vehicle accident monitoring 

Open Hardware category:

1st - HV. Lalzuimawia, Invention: Bamboo Flattening machine

2nd - Ramdinmawia; Invention: Hmarcha chi lakna khawl 

3rd - Chhuanmawia, Invention: Puantahna Khawl (Zoloom) 

Open Software category:

1st - Rodinpuia; Invention - Automation system 

2nd - Sunday Lalbiaknia,  Invention - Online Book Store 

3rd Hillstech, Invention - Precision farming.

Lawmman semna inkhawmah hian Pu Vanlaldina Fanai, Commissioner, Planning & Programme Implementation chuan kal khawmte lawmna thu a sawi a. Pu Lalmalsawma Pachuau, Secretary, Planning chuan Innovation Challenge an buatsaih dan tlangpui a sawi thung. Pi Chingthanmawi Guite, Adviser & Jt. Secretary, Planning chuan lawmthu sawiin inkhawm a khar a ni.

He hunah hian Minister, MLA, Adviser to CM leh officials engemaw zat an tel.