No.914/2020-2020

Aizawl the 8th May, 2020: Vawiin khan Chief Minister Pu Zoramthanga hovin CM Cabinet Meeting room-ah Council of Ministers chuan sawrkar department hrang hrang atanga thu pawimawh lutte ngaihtuahin an thukhawm.

Vawiin meeting in department pakua atanga ngaihtuah tur an thehluh zinga an pawm thenkhat chu DP&AR atanga The Modified Assured Career Progression Scheme, 2019 leh Draft Mizoram Civil Services (Combined Competitive Examination) Rules, 2020 te; Chhimphei Group YMA Building sakna atana PWD ram dilna te; Forest Department in "Classification of Trees / Timber and Royalty Rates for Various Forest Produce in Mizoram" ennawn tura a dilna te; The Aizawl Municipal Corporation (Control of Parking and Collection of Parking Fees) (Amendment) Regulations 2019 chungchanga UD&PA rawtna thehluh te; UGC Regulations, 2018 anga MCON teaching staff te nomenclature leh hlawh siamthat te; SCERT restructuring atana School Education atanga rawtna te a tel a ni.

Vawiin Council of Minister meeting ah hian COVID-19 do chungchanga hmalaknate sawiho ni bawkin, fimkhur tura inhrilhhriatna neih chhunzawm zel pawimawh an tih thu an sawi a ni.