No.915/2020-2020
1. Tun dinhmunah State chhungah hnianghnara cement lakluh tur la awm rihlo mahse engemaw zat chu phurhluh mek zel a ni. Hengte hi FCS&CA Department hnuaia Legal Metrology hotuten ngun taka vilin, a that leh that loh (quality) leh a man bithliah (MRP) aia to a hralh a nih leh nihloh te ngun takin an enfiah reng a ni.
2. ZIDCO chuan GMG Zuangtui a labourer te hman turin Hand Sanitizer, Mask leh PPE thahnem tak an hlan.
3. Covid-19 hrileng mek avangin Zuangtui chhehvela motor lian tam tak inhnawhkhawm a rem lova, hei vang hian phai atanga buhfai phur motor te hi Buichali ah din lailawk tir rih an ni a, vawiin tlai dar 3 thleng khan truck 80 din tir mek an ni. Heng truck din lailawk tir thin te unload dan tur chung chang leh a kaihhnawih inkaihhruaina a hnuaia mi ang hian Director, FCS&CA in a siam.
a) Buhfai phur motor thenkhat chu Ni 7 chuang ding tawhte a awm a, chuvang chuan seniority ang zelin unload tura Zuangtui lama tirh chhoh tur a ni. Supplier thenkhatin a rukin an driver te an lo ko chho thin tih hriat a ni a, Buichali check post atanga Serial No. leh Token pek chhuah tel lova mahni thu a GMG Zuangtui pan ve ngawtte chu unload phal an ni lovang a, an seniority an hloh bawk ang. Emergency case/tul bik thila Director,FCS&CA in phalna a pek te tih loh chu seniority ang thlapa kal tur a ni. Thuawih lova mahni thu a Zuangtui pan ve ngawt te chu Buichali ah tirh thlak leh tho an ni ang.
b) Buichali check post/camp a duty ten Buhfai phur motor te challan zawng zawng an khawm vek tur a ni a, register-ah nitina motor lo thlengte chhinchhiahin seniority fel takin an vawng tur a ni. Seniority anga unload tura Zuangtui lama an tirh chhoh dawnah challan lehToken an pechhuak zel tur a ni.
c) Supplier thenkhat mahni driver te ei leh in tur ngaihsak em em an awm lain supplier tam zawkchuaneileh in tur an ngaihtuahsaklova,supplierzawngzawng ten mahnidrivertemamawheitur( chaw lehchawhmeh)lehtuithianghlim in tur (an khamkhawp) an pe vek tur a ni. Khua a lum em avangin hei hi ngaih pawimawh hle tur a ni.
4. Chutiang bawkin an driver leh handyman te hman tur Mask leh Hand sanitizer tam tawk Supplier ten an ngaihtuahsak tur a ni. Duty post ah ‘social distancing’ leh mask vuah kenkawh that tur a ni a, hei hi Police duty te mawhphurhna a ni.
5. Buichali leh Zuangtui duty te an inbepawp reng tur a ni a, harsatna siam an awm chuan Director ah rang takin an report tur a ni.
6. Zuangtui Godown-a thawk, Buhfai phurtute, Buhfai load leh unload buaipuitute leh retailer te tih loh chu Zuangtui Godown ah hian kal rihloh tur a ni.
7. Zuangtui Godown ah hian tha takin Social Distancing kalpui tur a ni.
8. Godown hung chhunga lut zawng zawngte list ziah luhna turin Register vawn tur a ni ang a. Register hi Gate-a lut ten an ziah theih mai turin Gate ah chhawp a ni ang a, Home Guard duty-in an enkawl ang. Godown hung chhunga lutte chuan an Hming, address kim chang leh phone number register-ah an ziak lut ngei tur a ni. Hei hi engemaw thul-ah contact tracing atan a pawimawh dawn avangin ngaih pawimawh em em tur a ni.
9. Godown-a lut zawng zawng ten mask an vuah reng tur a ni ang.
10. Gate Entry Register an enkawl bakah Home Guard duty ten Mask vuah leh vuah loh leh Social Distancing vawn a nih leh nih loh an enfiah reng ang.Tin, Sorkar thupek awm tawh angin Mask vuah lo te, Godown chhehvela chil chhakte, etc. te chu dan angin pawisa (vantlang hmuna mask vuah lo- Rs 100/-; social distancing zawm duh lo- Rs.200/-; vantlang hmuna chil chhak- Rs.300/-, etc.) chawitir / Lung In tan thlengin action lak a ni ang.
11. Godown pawna Buhfai phurtu motor ding khawm zinga Driver te pawhin Social Distancing tha takin an kalpui tur a ni a, englaipawhin, abik takin midang nen an in biak dawnin, mask an vuah tur a ni ang.
