No.916/2020-2020

Mamit 8th May, 2020 : Vawiin khan Dr. Lalrozama, IAS, District Bawrhsap, Mamit chuan Mizoram Sawrkarin Entry Point atana a thlan Kanhmun khua tlawhin mipui nitin mamawh dahkhawlna hmun tur leh enkawl zui zel dan turah SP, Mamit, Sub Hqrs. YMA hruaitute, Taitesena Group YMA, Langkaih Group YMA, Hachhek Jt. VC Association bakah Kanhmun khua khawtlang hruaitute leh Tlawmngai pawl aiawhte nen enfiaha sawiho a ni.

Dr. Lalrozama chuan Covid - 19 hrileng dona kawngah mitinte'n tha thlah miah lova hma kan lak zel a tul thu sawiin Mizoram Sawrkarin a ruahman anga Vairengte, Bairabi leh Kanhmun khuate chu Entry Point atana ruahman a ni a, khawtlang hruaitu, venhimna lama thawkte nen inpawhtlang leh lungrual taka kan kal tlan a tul dawn thu sawiin him leh fimkhur tak chung si a, ei leh bara buailo tura hma kan lak tlan theuh erawh a tul thu a sawi.

Covid-19 hrileng mek avanga Lockdown kalpui mekah mipui te'n ei leh barah harsatna kan tawh lohna turin Kanhmun khua-ah hian rampawn atanga bungraw lakluhte chu ramri-ah ruahmanna felfai tak siama kalpui nise tih a ni a.

Bungraw lakluhte him leh hrisel ngei mipuite hnen a thlen theihna tura rawtna hrang hrang awmte sawiho niin Khawthlang Group YMA pahnih Taitesena leh Langkaih group YMA leh Kanhmun khawtlang duhdan angin bungruate ni 3 chhung quarantine, a tul dan a zira damdawi hmanga kah thianghlim bakah Bungraw dah lailawkna hmun tur atana ruahmante a tul anga hman nise tih a ni a. Hei bakah hian Kanhmun khua leh Tlawmngai pawl aiawhte nen inpawh tlang taka hmalak chhunzawm zel nise tih a ni. Covid - 19 hrik hi a rei berah darkar 72 bak bungrua-ah a dam theihloh thu Medical hotute'n an tarlang bawk.

Vawiin ramri-a bungrua chawkluhna tur hmun ennaah hian Pu Shashank Jaiswal, IPS SP Mamit, Pu Lalmuanawma Jongte, SMO, Pu Andy Lalfakzuala, BDO, Zawlnuam, Pu Victor Lalawmpuia, ASO bakah Sub Hqrs. YMA Mamit hruaitute, Taitesena Group YMA, Langkaih Group YMA, Hachhek Jt. Village Council Association bakah Kanhmun khawtlang hruaitu leh tlawmngai pawl aiawhte an tel a ni.