No.137/2021-2022

14.3.2021: Chief Minister Pu Zoramthanga hoin vawiin khan H&FW Minister Dr. R. Lalthangliana leh H&FW officer te leh Finance officer te nen Covid19 thawh hnihna laka mipui himna tura hmalakna pawimawhte CM office meeting room ah an sawiho.

COVID-19 thawh hnihna hi a hmasa aiin a thawk na zawkin, mipui mimir ah tunah hian inkaidarh an tam tawh hle thu meeting-ah hian sawi a ni a. Uar zawka test kalpui a tul thu te sawiin, thawktu indaih lohna phuhruk tura volunteer worker lak chungchangte sawiho a ni a. PPE leh test kit mamawh te sawiho ni bawkin, hneh zawka COVID-19 do tura inpeih tur chuan mitin kan fimkhur tlan a tul thu te an sawiho bawk.

Vawiin meeting-ah hian H&FW Board Vice-Chairman Dr. Z.R. Thiamsanga, Finance Commissioner Pu Vanlalchhuanga leh Health & Family Welfare-a thawktu dangte an tel a ni.