No.1173/2020-2020

Aizawl the 18th May, 2020 : Vawiin khan Chief Minister Pu Zoramthanga hovin CM cabinet meeting room-ah COVID-19 hrileng avanga loneitute harsatna tawh sukiang tura hmalaknate leh buh a Mizoram a intodelh theihna tura hmalakna thar ruahmanna te chu Agriculture leh Irrigation & Water Resources Department Minister Pu C. Lalrinsanga leh officer te nen sawiho a ni.

Chief Minister Pu Zoramthanga chuan ei tura intodelh chu sawrkarin a ngaihpawimawh, flagship programme SEDP pawhin a tum pui ber zing a mi a nih thu leh, intodelh pawimawhzia chu tun COVID-19 hrileng hian a tihchian zual thu a sawi a. Tun dinhmunah agriculture, horticulture, vety, etc. ah te chuan hmalakna thar siam belh kan mamawh a nih thu Chief Minister chuan a sawi a. Ei leh in lama kan intodelh a, kan kuthnathawktute sum lakluh a pun theihna turin leh hnamdanga innghat lova theihtawp chhuahin tun hun hi kan hman tangkai a tul a ni, a ti.

Tunlai Novel Coronavirus hrileng avangin hmun thenkhata leilet a thawktu hnamdangte an haw avangin leh lei lehna tur bawng a awm loh avanga leilet tawl mai tur chu khawl hmanga hna tul thawh a nih thuai theih nan agriculture department hmalak dan tur te vawiin meeting ah hian sawiho a ni a. Heng bakah hian hmun dang danga hlawk zawk leh mihring tha seng tlem zawka buh thar tura ruahmanna siam awm leh project siam te vawiin hian thlirho a ni bawk.

He meeting-ah hian Agriculture Department leh Irrigation & Water Resources Department-a officer hotulu te an tel a ni.