No.3456/2021-2022 

Aizawl the 18th December, 2021: December ni 17, 2021 zingkar kangmei chhuak avanga Aizawl DC office chhe ta tukin khan Chief Minister Pu Zoramthanga chuan a hmunah a enfiah.

Chief Minister hian amah tawiawmtu Chief Secretary, Addl. Chief Secretary, Aizawl DC leg sawrkar hotulu pawimawh tak takte nen DC office chu an enho a. PWD hotute chu uluk taka a hmunhma zirchianga, sak that theih dan turte ngaihtuaha ruahmanna siam turin Chief Minister hian a ti a ni.

Chief Minister ho hian DC office insawnna tura ruahman lailawk MLA hostel chu en in, karleh mai a hawn tur MINECO Multi Level Parking a tlawh bawk a. Multi Level Parking building hi UD&PA hnuaia sak a ni a. 20.12.2021 hian hawn tura ruahman niin, GAD kuta hlan nghal tur a ni a. GAD hotute nena a hmunhma enchian hnu hian DC office nghah lailawkna atan MINECO Multi Level Parking hi remchang zawk an ti a ni.