2308/2022-2023
Aizawl 13.10.2022: Chief Minister Pu Zoramthanga hovin vawiin chawhnu khan CM Conference Hall-ah Mizorama deaddiction centre leh tribal hostel chungchangah meeting neih a ni a. Excise Minister Dr K. Beichhua pawh he meetingah hian a tel.

He meeting-ah hian Mizorama ruihhlo hluar avanga harsatna tawh mek leh, chhungkua a nghawng nasat dan an sawiho a. Enkawlna kawngah sawrkar chauh ni lo, kohhran leh khawtlang, mimal nen thawhhona tha a pawimawhna te sawiin, tuna sawrkarin centre hrang hrang a neih dinhmun te chipchiar taka sawiho a ni a. Inenkawlna neih sa tihchangtlun leh din belh mamawhna te sawi niin, chumi atan chuan project siam a hmalak dan leh bawhzui ngai te bawhzui ni se tiin sawi a ni.

He meeting-ah hian Planning Boars Vice Chairman, Vice Chairman Social Rehabilitation Board, Planning Department Secretary, OSD to CM leh Social Welfare Department official dangte an tel a ni.