1642/2024-2025

Dated Aizawl, the 19th August, 2024: Vawiin khan CM Conference Hall ah Empowered Committee for Investment te chu an chairman Pu Lalduhoma, Chief Minister hovin an thukhawm a, Chaltlang Tourist Lodge tun aia changkang zawk, 4 star emaw a aia sang Star Hotel-a siam dan tur an rel.

India hmarchhakah hian Star Hotel 57 a awm mek a. Heng star hotel te hi private enkawl vek niin, sawrkar hmunhma a nih pawhin private firm te enkawltir vek an ni. Mizoramah Star hotel hi a la awm ve lo thung. Mizoramin Sustainable Investment Policy tha tak a lo neih tak avangin nikum atanga hmalakna lo kalpui tan tawh Chaltlang Tourist Lodge Star Hotel atana thuam that chungchang hi bawhzui a ni leh ta a ni.

Meeting ah hian Pu TBC Lalvenchhunga, Adviser to CM leh committee member dang te an tel a ni.