1643/2024-2025

Dated Aizawl: the 19th August, 2024: Vawiin chawhma dar 10:30 khan Tourism Department leh Ministry of Tourism tangkawpin an buatsaih Paryatan Mitra program chu tan a ni a; a hawnna hun Chaltlang Tourist Lodge-a neih chu Pi C. Ramsangzuali, Tourist Officer-in kaihruaiin Dr. Lalrozama, Secretary, Tourism Department chu  khuallian a ni.

Khuallian Dr. Lalrozama chuan service provider te'n tourism industry Mizorama ti lian tura hmun pawimawh tak an luah thu tar langin, nasa taka tang chho zel turin a fuih a. Tourism Department hmalakna reng rengte chu tlang taka mipuiin an hman tangkai zawk dante leh, Tourism chu kan ram ei leh bara a lo intodelh theih nan bakah Tourism hnuaia eizawnna chu huapzau tak a nih avanga a pawimawhziate a sawifiah nghal bawk a ni. 

Hemi zawh hian he hun hmanpui tura sawrkar laipui atanga lokal Pu Anil Oraw, Regional Director, Ministry of Tourism chuan trainer-te fuihna thu sawiin, Dr. B. Sawjan, Professor, IITTM Bhubaneswar leh Dr. Hemanshu Baishya, HOD, Central, IHM te'n thu an sawi bawk.

Paryatan Mitra programme hi Ministry of Tourism-in tourism hmasawn nan leh he industry-a eizawnna nei te'n nasa lehzuala tourism atanga sum an hailuh theih nana duan a ni a. He scheme hnuaiah hian India ram chhunga hmun pasarih pilot project tura thlan chhuahah Aizawl District, Mizoram chu tel ve in, first phase atan tourist service provider-te hnenah training pek tan a ni. Paryatan Mitra training hi ni 2 awh tur niin, stage 1 ah hian taxi driver-te training pek an ni dawn a ni.