3644/2022-2023

Aizawl, the 20^th February 2023 : Vawiin chawhnu khan Chief Minister Pu Zoramthanga hovin Chief Minister’s Office Conference Hall ah Aizawla March ni 2, 2023 a, G20 hnuaia B20 Business Meeting/Conference lo awm tura he intawhkhawmnaah thupui thlan sa mil a Mizorama sum peipunna kawng hrang hrang awm thei investment opportunities chungchanga Department ten presentation an siam te thlirho a ni.

Sawrkar lam atanga presentation 3 leh mimal sumdawng mi 2 ten an presentation an siam hnuin, her rem ngai lai te, siamthat leh belh ngai laite chu chipchhiar taka sawiho niin programme duan sa te thlir ho nghal a ni bawk.

Meeting ah hian Chief Secretary Dr. Renu Sharma; Principal Secretary, Commerce & Industries Pi Esther Lalruatkimi; Home Commissioner Pu H. Lalengmawia bakah programme buaipuitu Sub-Committee on Conference, Programme and Event bakah a kaihhnawih officials te an tel a ni.