Mizoram State Health Care Society chuan vawiin chawhma khan Chief Minister Pu Lal Thanhawla Office chamber-ah meeting an nei. Sorkar tharah Chief Minister kaihhruaina hnuaia Governing Body meeting neih tula hriat anih avangin meeting hi koh a ni a. Health Minister hovin Society hian meeting an lo nei tawh a. Damlo te bill Reliance Insurance Company in an pek duhloh chungchangah, a chinfel dan tur an lo sawi ho tawh a ni.
Chief Minister Pu Lal Thanhawla chu he Society Chairman anih angin, meeting hi a kaihruai a. Sawiho tur agenda 3 chhawpchhuah a ni nain, Chief Minister berin Society hi ala hriatchian loh avangin agenda anga meeting hi kalpui theih a ani lova. Pu Lal Thanhawla chuan society hi a tawp hle a ni tih erawh a hriatthu sawilang hmasain, a dang engmah a hriat loh thu a sawi a. Meeting ah hian Society leh Reliance General Insurance Company Limited (RGICL) inkara harsatna awmte sawiho a niin, RGICL kutah pawisa zawng zawng a awm bawk si avang leh, hospital bill an pek duh tawh loh bawk avanga damlo ten namenlo a harsatna an tawh sutkian dan an ngaihtuah ho a ni ber a. Tunah hian RGICL hian an intiamna an bawhchhiat avangin sotkar chuan IRDA leh Courta kalah a vau tawh nghe nghe a ni.
Tun dinhmunah chuan Society hnuaia inziaklut zawng zawng tawh chu mi 125732 niin, an in register-na pawisa tlingkhawm chu Rs.1,02,78,000/- a ni a. Damlo mi 12117 te bill RGICL hian Rs.8,16,23,275/- a pek sak tawh a. Heng bakah natna khirh bik mi 141 te bill Rs.1,44,37,998/- sanction tawhin, avaiin mi 11254 te bill zawng zawng chu Rs.9,60,51,272/- a ni a. RGICL hian bill ba pek tur an la neih chu Cheng Vaibelchhe 4 chuang ni a chhut a ni bawk.
Health Care Scheme hi engtia kalpui zel tur nge tih ngaihtuah chhunzawm nise tiin meeting hi tih tawp a ni.
Meeting-ah hian Health Minister Pu Lalrinliana Sailo, Health Secretary Pu J.C.Ramthanga, President MUP & YMA te bakah Helth Deptt atang leh Finance atanga aiawhte an tel a ni.
Tun dinhmunah chuan Society hnuaia inziaklut zawng zawng tawh chu mi 125732 niin, an in register-na pawisa tlingkhawm chu Rs.1,02,78,000/- a ni a. Damlo mi 12117 te bill RGICL hian Rs.8,16,23,275/- a pek sak tawh a. Heng bakah natna khirh bik mi 141 te bill Rs.1,44,37,998/- sanction tawhin, avaiin mi 11254 te bill zawng zawng chu Rs.9,60,51,272/- a ni a. RGICL hian bill ba pek tur an la neih chu Cheng Vaibelchhe 4 chuang ni a chhut a ni bawk.
Health Care Scheme hi engtia kalpui zel tur nge tih ngaihtuah chhunzawm nise tiin meeting hi tih tawp a ni.
Meeting-ah hian Health Minister Pu Lalrinliana Sailo, Health Secretary Pu J.C.Ramthanga, President MUP & YMA te bakah Helth Deptt atang leh Finance atanga aiawhte an tel a ni.
