Indira Gandhi Open University ( IGNOU), Regional Centre, Aizawl ina a buatsaih, ‘Joint Induction Cum Workshop on Developing Study Skills of Distance Learners’ Chanmari YMA Hall, Aizawl-a vawiin-a neihah Chief Minister Pu Lal Thanhawla chuan a hmanpui.
Chief Miniser chuan IGNOU hmalakna avanga awlsam zawka zirna a thang chu thil lawmawm tak a ni a ti a. Mizoramah zirna tha zawk duh vang leh beisei zawk avangin a siam that hna thawk turin ramchhunga mithiam bikte kaihhruaina hnuaiah Education Reforms Commission chuan hma a lak mek thu a sawi a. Mizoram chu India ramah ziak leh chhiar thiamah sang hle mah ila, lehkhathiamna tehfung anih loh thu a sawi a. Zirna chu khawtlang leh kan nitin hnathawha tul pawimawh anih avangin kan boruak tawn chin leh kan mamawh dan ang zela herrem a tul a ni a ti a. British hovin lehkha zir zir dan kalphung min hnutchhiah hi kan tunlai nunzia nen a inmil tawh loh avangin siam that a tul a ni a ti.
Pu Hawla chuan kan thalai zirlaite hi duat taka enkawlin, an talent neihte kan phawrh chhuah thiam angai a ni a ti a. Nakin lawka kan hruaitu turte an nih avangin hmathlir tha tak siam sak hi kan ngaipawimawh tur a ni a ti. Chief Minister chuan IGNOU zirlaite leh zirtirtute intawhkhawmna hian rah tha tak a chhuah theih nan a duhsakna a hlan a ni.
IGNOU hi India ram hmun nga ah then hran a ni a – north, south, east, west leh north east ah te. Vawiina North East bialtu Pro Vice Chancellor Prof. O.P.Mishra, New Delhi atanga lokal chuan Aizawl Regional Centre in zirlai tam tak a neihna chhan nia a hriat chu zirna an ngaihhlut vang a ni a ti a. India ramah Best Regional Center vawi 3 ni thei – 2006, 2007 leh 2009 ah te an nihna chhan chu councelling ah te, students tawiawmna that vangte, study material-ah te leh exam conduct-na ah te a that vang a ni a ti. Tunah hian zirlai inziaklut maktaduai 2.2 vel an awm thu sawiin, khawvela University lian ber a ni a ti a. Khawvel ram hrang hrang 34 ah Study Centre a awm thu a sawilang bawk a ni. IGNOU ah hian Vocational Course zirna pawh siam anih thu sawiin, food processing te, poultry framing te leh a dang tan tak a awm thu a sawilang bawk a ni.
Aizawl Regional Centre hi kum 2000 khan zirlai 403 awmin bul tan a ni a. Tunah hian Mizoram chhungah Study Centre 32 a awm tawh a ni. Zirna zawmtu te pawh sangnga chuang an awm tawh bawk a, vawiina zirna zawmtu kum 60 a upa pawh a tel a, Chief Minister hian lawmpuina shawl a hlan nghe nghe a ni.
Inkhawm hi Dr. S.R. Zonunthara, Regional Director, Ignou Regional Centre, Aizawl in mi sawmbikte leh zirlaite lawmna thusawiin, report a pe nghal bawk a ni.
Pu Hawla chuan kan thalai zirlaite hi duat taka enkawlin, an talent neihte kan phawrh chhuah thiam angai a ni a ti a. Nakin lawka kan hruaitu turte an nih avangin hmathlir tha tak siam sak hi kan ngaipawimawh tur a ni a ti. Chief Minister chuan IGNOU zirlaite leh zirtirtute intawhkhawmna hian rah tha tak a chhuah theih nan a duhsakna a hlan a ni.
IGNOU hi India ram hmun nga ah then hran a ni a – north, south, east, west leh north east ah te. Vawiina North East bialtu Pro Vice Chancellor Prof. O.P.Mishra, New Delhi atanga lokal chuan Aizawl Regional Centre in zirlai tam tak a neihna chhan nia a hriat chu zirna an ngaihhlut vang a ni a ti a. India ramah Best Regional Center vawi 3 ni thei – 2006, 2007 leh 2009 ah te an nihna chhan chu councelling ah te, students tawiawmna that vangte, study material-ah te leh exam conduct-na ah te a that vang a ni a ti. Tunah hian zirlai inziaklut maktaduai 2.2 vel an awm thu sawiin, khawvela University lian ber a ni a ti a. Khawvel ram hrang hrang 34 ah Study Centre a awm thu a sawilang bawk a ni. IGNOU ah hian Vocational Course zirna pawh siam anih thu sawiin, food processing te, poultry framing te leh a dang tan tak a awm thu a sawilang bawk a ni.
Aizawl Regional Centre hi kum 2000 khan zirlai 403 awmin bul tan a ni a. Tunah hian Mizoram chhungah Study Centre 32 a awm tawh a ni. Zirna zawmtu te pawh sangnga chuang an awm tawh bawk a, vawiina zirna zawmtu kum 60 a upa pawh a tel a, Chief Minister hian lawmpuina shawl a hlan nghe nghe a ni.
Inkhawm hi Dr. S.R. Zonunthara, Regional Director, Ignou Regional Centre, Aizawl in mi sawmbikte leh zirlaite lawmna thusawiin, report a pe nghal bawk a ni.
Attachment
- Loading attachment...
