Mizoram Chief Minister Pu Lal Thanhawla hovin vawiin khan a Office Conference Hall-ah, a Council of Ministers, Parliamentary Secretaries, Chief Secretary leh Secretaries to the Govt of Mizoram ten High Level Meeting an nei.

 

 

He meeting pawimawh takah hian 13th Finance Commission Member-te, kar leh maia Mizorama lokal tur hnenah Mizoram mamawh tur chi hrang hrang sorkarin a thehluh tur  thlirlawkna an nei a. Heng bakah hian an mahni lo hmuah leh lo dawnsawn dan tur te, Mizorama an cham chhunga programme lo duan chhinte ennawnna an nei bawk a ni.

13th Finance Commission-a thil pawimawh thehluh tur zingah hian Transfer of Plan – Posts to Non – Plan Account te telin, hemi bakah Mizoram mawmawh zualpui deuh deuh – Champhai bula Ngur khua a Airport Rs.10.69 crore senna tur leh Lunglei bula Saitluk khua a Airport tho siamna tur Rs.250 crore senna tur te, Aizawl a Rajiv Gandhi Sports Stadium sak zawhna tura Rs.100 crore mamawhte a tel a. Mizoram thingtlang khua economy dawmkanna tur Rs.1200 crore te , Fiscal Affairs Centre din nan Rs.18.91 te, Sub division thar 13 te tana hmasawnna ruhrel dinna tur Rs.23.358 crore te, Autonomous District Council te thuamthat na tur Rs.87.96 crore te bakah Treasury Office 9 sak thatna tur te, Jail tih phuisui nan te leh ruahtui khawlna atan te, avaiin Rs.1420.505 crore te an ni.

13th Finance Commission Member te hi karleh ni 23 – 25 April chhung an awm dawn a ni.