Ministry of Textiles bultuma Handicrafts lam tui mite tan State Level Marketing Workshop on Handicrafts of Mizoram chu vawiin chawhma khan I&PR Auditorium-ah Pu Hmingdailova Khiangte, MLA chuan Khuallian niin a hawng.
Workshop hawnna thuchah sawiin Pu Hmingdailova chuan Mizoram hi mau atang ringawt pawha malsawmna dawng a ni, a ti a. Thiamhnang lama mi tui leh kutthemthiamte tan tun aia nasa zawka tan kan lak chuan hmarchhak state mau nei ve state dangte ai hian hmasawnna kawng a inhawng zau zawk a ni, a ti. Ministry of Textiles hnuaia Development Commissioner-in Handicrafts lama tui mite tan inkaihhruaina leh zirtirna hun a buatsaih thin te, anmahni puihna azara kawng zau tak inhawngte chu hmang tangkai thiam turin helama tui mite a chah a ni. Handicrafts lama eizawng duhte tan hamthatna tam tak awmte chu zau zawka inhrilhhriat nise, Mizoram sorkar pawhin a bawhzuipui theih ang apiang bawhzui se a duh thu te tarlangin State Awardee Committee din tur pawhin Industries Minister hnenah hmalakpui a tum tur thu Pu Hmingdailova hian kalkhawm mipuite a hrilh a ni.
Workshop-ah hian Pu T. Rollee Vareishim, Asst. Director(H) chuan Workshop buatsaih a nih dan tlangpui te, Handicrafts chawisan kawnga Ministry hmalak dan tlangpuite a tarlang a. Life Insurance Corporation of India-in handicrafts mite tan Insurance Policy chhenfakawm tak a neih thu leh ICICI-Lombard pawhin hetiang mite tana damdawia inenkawlna Cashless Facilities a pek theih dan te a tarlang a. Mizoramin National Awardee pakhat Pi Zodinpuii a neih mek thu sawilangin State Level Awardee thlangtu tur Committee pawh Mizoram sorkarin din ve thuai se a duh thu a sawi a. State Level Awardee te hian kum 60 an nih chinah thla tin Rs.1000/- lawmman an dawn theih thin te chu a zarzo ve theih turin State Level Awardee Committee hi neih thuai a pawimawh a ni, a ti. Hei bakah Handicrafts mi leh sa leh an fate thleng pawhin sum lama hamthatna hrang hrang, Scholarship hial pawh an dawn theih te chu Mizorama handicrafts lama tuite hian zar zo ve theih se a ti a. Chutiang hai chhuak tur chuan Workshop chhimtute chu a chah a, chu bakah handicrafts tih hmasawn nana zir leh hriat tur uluk taka zir turin a sawm bawk.
Workshop hi hun hnihah thenin mithiam thlanchhuah hrang hrang ten handicrafts chawisan leh thil deh chhuah hralh dan kawng tangkai pawimawh tak tak an zir a ni.
Workshop-ah hian Pu T. Rollee Vareishim, Asst. Director(H) chuan Workshop buatsaih a nih dan tlangpui te, Handicrafts chawisan kawnga Ministry hmalak dan tlangpuite a tarlang a. Life Insurance Corporation of India-in handicrafts mite tan Insurance Policy chhenfakawm tak a neih thu leh ICICI-Lombard pawhin hetiang mite tana damdawia inenkawlna Cashless Facilities a pek theih dan te a tarlang a. Mizoramin National Awardee pakhat Pi Zodinpuii a neih mek thu sawilangin State Level Awardee thlangtu tur Committee pawh Mizoram sorkarin din ve thuai se a duh thu a sawi a. State Level Awardee te hian kum 60 an nih chinah thla tin Rs.1000/- lawmman an dawn theih thin te chu a zarzo ve theih turin State Level Awardee Committee hi neih thuai a pawimawh a ni, a ti. Hei bakah Handicrafts mi leh sa leh an fate thleng pawhin sum lama hamthatna hrang hrang, Scholarship hial pawh an dawn theih te chu Mizorama handicrafts lama tuite hian zar zo ve theih se a ti a. Chutiang hai chhuak tur chuan Workshop chhimtute chu a chah a, chu bakah handicrafts tih hmasawn nana zir leh hriat tur uluk taka zir turin a sawm bawk.
Workshop hi hun hnihah thenin mithiam thlanchhuah hrang hrang ten handicrafts chawisan leh thil deh chhuah hralh dan kawng tangkai pawimawh tak tak an zir a ni.
