Vawin khan Health Minister Pu Lalrinliana Sailo chuan Zemabawk a Cancer hemna hmun, TB Hospital leh RIPANS te a tlawh. Minister hi Principal Director, Dr.Zoremthangi, Director, H&ME leh Officer leh Staff te’n an lo dawngsawng a. Cancer enkawlna hmun fang hmasa berin, Cancer enkawlna khawl hrang hrang te leh an hnathawhdan te a hmun ngeiah enpuiin, thawktu ten an lo hrilhfiah zel bawk ani. Minister hian khawl hrang hrangte a tlawh zawh hian Chemo treatment la lai mek te a tlawh bawk a, heng damlo mek te hian an harsatna tawh te minister hnenah hian lo thlenin kal velna ah harsatna an tawh thu leh Bus an mamawh thu te Thisen test, Civil Hospital neih a ni chu buaithlak an tih thu an lo sawi chu Minister chuan heng an harsatna tawh te hi tihhlawhtlin ngei a tum thu a sawi a ni.
Cancer hemna hmun, Zemabawk ah hian Cancer hemna khawl chi 2 – Cabalt Machine leh Bracky Machine tunah hian hman mek aniin, tunhnai khan Treatment Planning System, X-Ray khawl 2 leh Mould Room neih thar a ni a, Cancer hem ngai ang chi zawng zawng chu Phailam pan kher ngai lovin hemi hmunah hian a tih theih vek tawh a ni. Hei mai bakah, Cancer enkawlna Damdawiin pawh luah theih tep tawh a niin Minister hian a hmun hma leh a chhung vel te chipchiar takin a fang kual bawk a ni. Tun dinhmun ah chuan khawl thar dang pahnih – Linear Accelerator(Cobalt Machine in a enkawl remchanglo thenkhatte tana hman tur) leh Simulator(Damlo hem an nih hma a lo enchhinna a ni in, inhem hian tihsual palh hlauhawm tak a nih avangin alo enlawkna khawl hi a pawimawh hle ani) neih belh turin Health Minister chuan theih tawpin hma ala mek bawk a ni.
Zemabawk Cancer enkawlna hmun ah hian nitin Cancer hem ngai mi 30 aia tlemlo hem ziah ang an niin, thawktu te pawh a rim hle a, hetianga ngaihsaktu Health Minister chak tak an nei hi an lawm hle a ni. Mizote hi Population atanga chhut chuan India rama Cancer vei tamna ber State kan ni a, Cancer ti tlem tura Health Minister in theih tawpa hma alak mekna ah thawktu te pawn theih tawpa thlawp an tum tlat thu an sawi bawk a ni. Hetih rual hian Health Minister chak tak hmalakna in India ramah pawh Cancer lama inenkawlna hmun tha ber pawl kan neih thuai a rinawm bawk.
Cancer enkawlna hmun a fan zawh hian TB Hospital leh RIPANS te a tlawh leh nghal a, TB vei enkawl mek te a tlawh nghal bawk a ni. Tunah hian TB Hospital ah hian Damlo enkawl lai mek mi 24 an awm mek a ni.
Zemabawk Cancer enkawlna hmun ah hian nitin Cancer hem ngai mi 30 aia tlemlo hem ziah ang an niin, thawktu te pawh a rim hle a, hetianga ngaihsaktu Health Minister chak tak an nei hi an lawm hle a ni. Mizote hi Population atanga chhut chuan India rama Cancer vei tamna ber State kan ni a, Cancer ti tlem tura Health Minister in theih tawpa hma alak mekna ah thawktu te pawn theih tawpa thlawp an tum tlat thu an sawi bawk a ni. Hetih rual hian Health Minister chak tak hmalakna in India ramah pawh Cancer lama inenkawlna hmun tha ber pawl kan neih thuai a rinawm bawk.
Cancer enkawlna hmun a fan zawh hian TB Hospital leh RIPANS te a tlawh leh nghal a, TB vei enkawl mek te a tlawh nghal bawk a ni. Tunah hian TB Hospital ah hian Damlo enkawl lai mek mi 24 an awm mek a ni.
