Vawiin chawhma dar 11:00 A.M. khan Lawngtlai District chhunga High School Sports Meet neih mekna CYLA Playground-ah vanduaina a thleng. Field Gallery hnunga lungrem chimin Dixon H. Tlanghmingthanga (14) S/o M. Lalnghaka, Kaladan High School, Paithar atanga lokal chu lungrem chim hian a delh a, damdawiin panpui anih laiin a hliam tuar lovin vanduaithlak takin a thi. Janet Vanlaldingpuii, Down Town School, Lawngtlai pawhin hliam tuariin damdawiin-ah First Aid pek anih hnuah chhuah leh nghal a ni. He Sports Meet hi Aizawl-a Mizoram pum High School Sports Meet atana inbuatsaihna kal mek a ni.

Pu Thlamuana, Deputy Commissioner, Lawngtlai in a hriat veleh a hmun a tlawh nghal a. Official tam takin lungrem chimna hmun hi an pan nghal bawk. Mitthi chhungte hi Ex-gratia Rs. 60,000/- (Singruk) D.C. Lawngtlai hian a pe nghal bawk.