3604/2024-2025

Dated Aizawl, the 18th December 2024:  Vawiin khan Chief Minister Pu Lalduhoma hovin Minister pawimawh leh official te chu Higher & Technical Education hmachhawp te sawiin CM Conference Hall ah an thukhawm.

Meetingah hian NIT Mizoram campus sak meka forest clearance chungchang te, New Education Policy, 2020 anga Mizoram State University din dan tur te, Mizoram Engineering College, Pukpui, a taka kal thei tura buatsaih dan turte bakah Mizoram Polytechnic, Lungleiin harsatna a tawh mek te an sawi a ni.

Mizoram State University hi kum 2035 a lo neih fel hman a ngaih avangin 16th Finance Commission chhungah sum ruahman tum a ni a. Chutiang bawkin Mizoram Engineering College kalpuina tur pawh hi 16th Finance Commission ah bawk ruahmanna siam niin, kum 2026 Academic year atanga class kalpui tuma inbuatsaih ni se, an ti.

Meetingah hian Pu K. Sapdanga, Home Minister, Pu Vanlalhlana, PWD Minister, Dr. Vanlalthlana, H&TE Minister, Pu F. Rodingliana, P&E Minister,  Prof. Lalnilawma, PHE Minister leh official pawimawh te an tel a ni.