3605/2024-2025

Khawzawl, dated 18th December 2024: Vawiin chawhnu dar 1:30 khan Mizoram Cooperative Apex Bank, Khawzawl Branch-te chuan kum dang a an lo tih thin angin Chrismas Charity Programme 2024 ‘Distribution of Charity’ chu Apex Bank, Khawzawl Manager’s Roomah an hmang a, Khawzawl DC Pu K. Vanlalthiana chuan khuallian niin he hun hi a hmanpui.

He hunah hian Pu Michael Lalhriatpuia, Branch Manager chuan kalkhawmte lawmna thusawiin an programme buatsaihte ngaihlu a an hun seng a rawn kalte chungah lawmthu a sawi a. Khuallian DC Pu K.Vanlalthiana pawhin thusawiin, vawiin a Apex Bank ten Charity programme an buatsaih chu ropui a tih thu sawiin, he hun hmang tur a rawn telte chungah a lawmthu a sawi a. DC chuan Pathianin ei sen loh dawn sen loh malsawmnain min vur a, heng kan malsawmna dawn sen loh atang hian pek chhuah hi kan zir ve a tul tak meuh meuh a hriatthu a sawi a, a nei lote kan pek hi kan tih makmawh a ni a ti, Apek Bank-ten mi harsa pual a an luanchhuah pawh hi a mamawh takin an dawn a, an tan malsawmna a lo nih ngei a beisei thu a sawi.

DC Pu K. Vanlalthiana'n thu a sawi zawh hian Khawzawl a Home hrang hrangte hnenah thilpek hlan a ni a, Little Wood Girls Home, Exodus Boys Home leh Khawzawl Observation Home te hnehah pawisa fai cheng 10,000/- theuh hlan a ni. Pu C.Lalhmunliana, Director, MCAB chuan lawmthu sawina hun hmangin he hun hi a khar a ni.

Vawiin programme-ah hian Khawzawl khawchhung a Cooperative Society hrang hrangte bakah Home a thawktute an rawn tel  a ni.