3606/2024-2025
18th December, 2024 : December 11, 2024-a Coordination Committee on Traffic Management thukhawmin a rel angin, kumin Krismas leh Kum thar vuakvetah Aizawl khawpui chhunga mipui bazar; kea kalte him zawk nan December 23, 24, leh 31, 2024-ah te hian “No Vehicle Day” hman tur a ni a, No Vehicle Zone atana a hnuaia mi ang hian Lirthei tlan dan ruahman a ni.
1. Chanmari leh Zodin Square inkarah zing dar 10:00 atanga tlai dar 4:00 chhungin lirthei eng mah (Thirsakawr leh Nawrlirh huamin) tlan phal a ni lo.
Hei hian Emergency duty bakah, natna avanga Damdawiin pante a huam lo vang.
2. Civil Hospital atanga lirthei chhuakte chu Civil Hospital Road atanga Bazar Bungkawn lama tlan thlain Saron Veng lamah kal tur a ni.
3. No Vehicle Zone-in a huam china Taxi Stand-te chu A.R Mandir ep parking area-ah sawn a ni.
5. Chanmari leh Zodin Square inkarah lirthei engmah No Vehicle Zone hun chhungin dah phal a ni lo.
6. No Vehicle Zone huam chhung ah hian chhim leh hmar inkalpawhna kawngpui (main road) khar a nih dawn avangin a helna tura ruahman kawngpui dungah te traffic jam avanga harsatna a thlen lohna’n bungrua leh lirthei engmah dah phal a ni lo. “No Vehicle Zone” hela lirthei tlan dan tur chu hetiang hi a ni:
A. Lirthei hmar lam pante’n Zodin Square an pel thei lovang, hetiang in:
(i) Tlak lamah: Temple Square atangin Vaivakawn lama kalin Chanmari West lama chhoh emaw Company Peng lama chhukthlain emaw hmar lam pan theih a ni.
(ii) Chhuah lamah: Sikulpuikawn atanga Ramhlun road via Republic Veng- College Veng - Bethlehem Veng - Chhinga Veng - Electric Veng lamah kal theih a ni.
Tin, Treasury Square atangin Electric Veng via Republic Veng - College Veng – Bethlehem Veng – Chhinga Veng lamah a kal theih ang.
(iii) Tuithiang peng, Chhinga venga Pi Sapdengi In bul atangin chho zawngin tlan phal a ni lo.
B. Lirthei Chhim lam pante’n Chanmari Bus Stand leh Hrangbana College an pel thei lovang. Tin, Chanmari kawn atangin Lower Chanmari, Lower Zarkawt lamah kal phal a ni lova, a hnuaia tarlan kawngah te hian kal theih a ni.
(i)Chanmari Biakin atanga Vaivakawn Road via Kawipui, Chanmari West.
(ii)Bawngkawn atanga ITI Road via Ramhlun, Electric Veng etc.
(iii)Lirthei reng reng Bazar Bungkawnah chhuah chhoh phal a ni lova, Modern High School bulah kual thlain Saron Veng/Chhinga Veng lamah an let ang.
Tin, “No Vehicle Zone” helna kawngin a paltlang Local Council hruaituten traffic jam avanga mipuiin harsatna an tawh lohnan theihtawp min chhuahpuia kawngpui dunga lirthei leh bungrua dah hnawk a awm loh nan vengchhung information centre atanga min puanzar sak tura ngen leh beisei an ni.
C. Dropping leh pick up:
A hnuaia kawng tarlanah te hian dropping leh pick-up tur ringawtin lirthei a lutin a chhuak thei ang :-
(i) Hmar lamah : Chanmari Biakin helin hmar lamah an kual let leh ang.
(ii) Chhimlamah : Zodin atangin Canteen kualah, AR Mandir helin chhim lamah kual let tur a ni.
D. Parking Area :
(i) Hmar lamah :
Two Wheeler tan a hnuaia tarlanah te hian parking ruahman a ni.
- Govt. Mizo Higher Secondary School, Commerce Department Gate bulah.
- Govt. Mizo Higher Secondary School Multi Level parking hnuai ber.
- Hrangbana College leh Higher and Technical Department Office inkarah.
- Chanmari Biakin atanga KFC dawr thlengin kopang lamah.
(ii) Chhim lamah : Two Wheeler tan a hnuaia tarlanah te hian parking ruahman a ni.
- DC Office peng atanga SP, Aizawl Office peng inkar.
- Dak Inpui leh Supply Department Office kawt.
Tin, Two Wheeler leh LMV tan a hnuaia tarlanah te hian parking ruahman a ni.
- Aizawl South Treasury Office kawt.
- Planning Office kawt.
- City Park kawt kawngpui dungah.
F. No Parking : A hnuaia kawng tarlan ah te hian lirthei eng mah kawng dala dah phal a ni lo.
- Temple to Vaivakawn road.
- Vaivakawn Hunthar peng to Company peng leh Vaivakawn atanga Chanmari Traffic Point via Chanmari West.
- Bawngkawn to Sikulpuikawn via Ramhlun North - Ramhlun South -Aizawl Venglai – Electric – Chhinga Veng – Saron Veng – Tuithiang Veng – Bethlehem Veng - College Veng - Republic Veng - Upper Republic/Treasury Square.
- Armed Veng to Chhinga Veng Road; Pi Sapdengi In bul thleng.
- Ramthar Sihpui to Chhinga Veng via Electric Veng.
Hei hian chhiatrupna thil; kangmei leh emergency pawimawh bika duty, dan leh thupek pawimawh bika Police leh Magistrate duty-te chetvelna a huam lo vang.
27. Public Notice No Vehicle Zone, 2024.pdf
