3607/2024-2025

Aizawl, the 18th December, 2024: Vawiin tlai khan Pu Neeraj Kapoor, DGM, SBI Silchar chuan Mizoram Governor Dr. Hari Babu Kambhampati chu Raj Bhavan-ah hmuin SBI hmalakna leh hmachhawpte an sawidun.

Governor Dr. Hari Babu Kambhampati chuan Mizoram mipui bank account nei zingah Social Security Scheme a inziaklut an tlem lutuk chu veiawm a tih thu sawiin, Mudra loan leh mipui tana duan scheme-ahte mamawhte tanpuina a ni tih rilru pua loan tam zawk pe chhuak turin a chah a. Banking sector-ah hmasawnna tam tak a thlen thu sawiin, hengte hi hmang thiam tura mipuite hnena zirtirna kalpui uar deuh deuh turin a chah bawk.

Pu Neeraj Kapoor, DGM, SBI Silchar leh he huna tel Pu Hubert SZ Khobung, Regional Manager, SBI Aizawl-te chuan Governor-in a ngaihpawimawh em em social security scheme bakah scheme pawimawh tak takte mipuite'n an chhawr tangkai theih nana theihtawp an chhuah tur thu an hrilh a ni.