4365/2025-2026

Aizawl the 9th February 2026: Vawiin khan Chief Minister Pu Lalduhoma hovin a office-ah ni 7th July 2025 a  Chief Minister leh Chairman Cum Managing Director, BSNL ten an lo sawidun tawh bawhzuina thlir hovin India ram khawpui thenkhata BSNL in ram tha tak tak an neih te Mizoram sorkarin a neih chhawn dan tur sawiho a ni.

Hemi lam a hma la tur hian GAD chuan Mizoram Tourism Development Authority (MTDA) chu an ruat a. Anni hian PMC atan Urban Infrastucture Management Services te open tender hmangin an thlang fel tawh a. PMC te hian BSNL m-in khawpui hrang hrang a ram hman tur an neihte an en kual mek a, tun dinhmunah Beltola, Guwahati leh Delhi-ah te hmunhma hi en tawh a ni a.

Chief Minister duh dan angin, Mumbai, Chennai, Vellore, Bengaluru, Kolkata,  Hyderabad leh Shillong-ah te la zawn zel tur a ni. Heng hmunhmate sorkarin a la chhawng a, sorkar mamawh ang building sa tur hian State sorkar sum sen ngai lova tih dan rawtna awmte sawiho a ni bawk.

Meetingah hian Pu Lalnghinglova Hmar, Tourism Minister, Pu Sudhir Kumar, Principal Secretary, GAD, Pu Vanlaldina Fanai, Commissioner & Secretary to CM, Pu R. Lalrodingi, Director, Tourism bakah Mizorama BSNL hotute leh official dangte an tel a ni.