2133/2026-2027

Aizawl the 9th September 2026: Vawiin khan Chief Minister Pu Lalduhoma hovin CM Conference Hall-ah Irrigation & Water Resources Department thuam chak dan tur sawihona GAD, DP&AR, Finance leh Irrigation & Water Resources Department aiawhten an nei a. Minister Pu PC Vanlalruata leh official pawimawhte an tel.

Chief Minister chuan, Department tam tak hi thawktu indaih lo, kum rei tak chhung a ngai renga lo kal tawh, thawktu tlem vanga tlu chhe mai thei an ni hlawm a. IWRD pawh kum 19 kaltaa in dinhmun ngai rengah khan in la awm a, hmalakna in ngah bawk si a. Department dangte dinhmun hre reng chungin an harsatnate kan ngaithla hmasa a ni, a ti.

IWRD hi tunhma chuan Minor Irrigation tih a ni thin a, tunah chuan Irrigation Development chauh ni lovin River Basin Planning te, Springshed Development te, Integrated Water Resources Management te, Hydrological Data Management te, Flood Management & Warning te, Multipurpose Reservior leh Ground Water Development thlenga a thawh tak avangin Project lian tak tak a khawih mek a. Technical support nasa zawk a mamawh hle nia ngaih a ni.

Meetingah hian Er. K. Hamleta, Chief Engineer, IWRD chuan Department thuam thatna tura ruahmanna an siamte sawifiahna a nei a, a bawhzui dan turte an sawi zui a ni.