Lunglei District High Power Committee (HPC) chu nimin khan Chairman Pu Lal Thanhawla, Chief Minister hovin Lunglei Circuit House Conference Hall-ah meeting pawimawh tak an nei.

 

 

Meeting kaihruaitu Pu Joseph Lalhimpuia, Vice Chairman, HPC chuan Chairman chu thuhma sawi tura sawmin Pu Lal Thanhawla chuan tunhma a Lunglei HPC kha mumal taka din anih loh avangin awmze neiin hna a thawh theih loh thu sawiin, tuna mi erawh hi chu awmze neia din, Vice Chairman pawh rinawmna thutiam lak tira lakluh a ni a ti a. Hei vang hian mumal taka kalchho in sum hmanna tur pawh a hranpa a budget a dah anih thu a sawi a. Hnathawk theia an kal chhoh chu lawmawm a tih thu a sawi a ni.

Meeting Chairman chuan an thu ngaihtuah turte chhawpchhuak in, meeting hmasa a an lo rel tawh chi hrang hrang an bawhzui dan report te ngaihthlakna leh sawiho zui ngaite sawiho a ni a. Agenda chhawpchhuah zinga Lunglei-a Convention Centre sak chungchangah Union Ministry of Urban Development & Poverty Alleviation in cheng nuai 1877.40 an rawn sanction tawh chu Inter State Bus Terminal (ISBT) atan nise,  a hmun atan Lungmual-a PWD hmun chu a remchan dawn leh dawn loh ah DC kaihhruaina hnuaia Sub-Committee in lo enfel se an ti a. Tui hnianghnar zawka mipuiten an neih theih nan khaw khata in lian zual bikte atanga tui dawn siam (Rain water harvesting) a Tanky lianah khawlkhawm ni se. Hemi bawhzui tur leh a enkawl hna thawk turin a neitu khua VC emaw NGO emaw mawhphurhna lak tir nise meeting chuan a ti bawk a. Inland Water Way Transport chungchang chu bawhzui tura pawm a ni.

Kum 2010 - 2011 chhunga Lunglei High Power Committee hman atan budget-ah cheng vaibelchhe 6 dah a ni.