168/2022-2023

Aizawl the 16th April; 2022: Chief Minister Pu Zoramthanga hovin tukin khan Art & Culture Minister Pu R. Lalzirliana leh Dy. Govt. Chief Whip Pu Lalrintluanga Sailo te leh Martar Thlan Committee member dangte chuan Martar Thlanmual, Luangmual siamthat leh tihchangtlun dan tur a hmunah an sawiho.

Martar thlanmual hi February 2022 a Cabinet Meeting chuan sawrkar kutah a dah a. Chief Minister chairman na hnuaiah a enkawltu tur Martar Thlan Committee din niin, Art & Culture Minister chu Co-chairman a ni bawk a. Sawrkar atangin leh tlawmngai pawl atang te in leh mimal ruat bik member ah dah an ni. Vawiin hian thawmthat leh cheibawl ngai lai te enho niin, tihchangtlun belh nana hmasawnna ruhrel din theih dan remchang te enho a ni.

Sawrkar kuta a awm hma hian, kum 2000 khan Martar Thlanmual Siamtu Committee din a lo ni tawh a. Mizo Hnam chhan nan a nunna chante, hnamdang kuta thi emaw Mizo kuta thi emaw thliar lovin, Mizo Hnam chhan nan a thi an nih phawt chuan thlanmual ah hian dah ni se la, tiin he Committee hian a lo rel tlu tawh a. Chu Committee-ah chuan tlawmngai pawl hrang hrang te an tel a ni. Tunah thlanmual ah hian Martar hming 1,563 dah tawh a ni a, Martar te ruhro 65 dah a ni bawk.

Attachment

  • Loading attachment...