Vawiin khan Chief Minister Pu Lal Thanhawla leh Home Minister Pu R. Lalzirliana hovin Chief Minister's Office ah Mizoram chhunga venhimna Internal Security chungchangah meeting pawimawh tak neih a ni a. Meeting ah hian Chief Secretary Pu Lalmalsawma; DGP Pu Thianghlima Pachuau; Addl. Chief Secretary Pu Arvind Ray leh Principal Secretary (Home) Pi Renu Sharma; Home Department leh Mizoram Police hotulu dangte leh BSF, Assam Rifles, Special Bureau, Subsidiary Intelligence Bureau hotute leh aiawhte an tel.

Meeting ah hian tunhnaia Bangladesh a thil thleng leh ram chhung hmun thenkhata mifirfiak te chet dan chu sawilan leh sawiho niin tunah dinhmunah chuan Mizoram tan hlauhthawn awm tur awm lo mahse security thil reng reng hi ngaihbelh leh inthlahdah chi anih loh avangin venhimna khawitu pawl hrang hrang te inkara thawhhona tha tak neih chhunzawm zel a pawimawh thu te sawi a ni a. International leh State Boundary ah te venhimna hna hi ngawrh leh uluk zawka kalpui a pawimawh thu pawh sawilan a ni bawk.

Attachment

  • Loading attachment...