No.7895/2020-2021

Aizawl, 24th March, 2021: Chief Minister Pu Zoramthanga kaihhruaiin nimin (23.3.2021) chawhnu khan Mizoram Road Fund Board chuan an hmachhawp hrang hrangte sawihovin CM Office Conference Hall-ah an thukhawm.

State chhunga kawng hrang hrangte a enkawl zui lam ngaihpawimawh a tul thu leh, economy hmasawnna atan a pawimawh thu te an meeting-ah hian sawi a ni a. Kawng (roads) hrang hrang enkawlna tur atana sum chhawpchhuah te chu thlirho a ni a, monsoon damage, fur ruahtui tam in chhiatna a thlen tiziaawm tura ruahmanna siam te leh Mizoram Road Fund Act siamthat ngai lai an tih te sawiho a ni.

Kalkawng tha nei tur chuan tha taka enkawl zui a pawimawh a, a chunga kal lirthei te an tlo zawk nan leh efficient zawka an tlan theih nan pawh kawng tha a pawimawh avangin diesel/petrol atanga Road cess lak pawimawh an tih thu te an sawiho bawk.

He meeting-ah hian Chief Secretary Pu Lalnunmawia Chuaungo, Addl. Chief Secretary Pu JC Ramthanga leh member dangte an tel thahnem hle a ni.