No.7894/2020-2021

Dated Serchhip, the 23rd March, 2021: Vawiin 26 Serchhip ST AC Bye election Gazette Notification chhuah ni hian District Election Officer’s Media Centre hmalaknain DC Meeting Hall ah Serchhip District Magistrate Pu Kumar Abhishek, IAS leh Superintendent of Police Pu Stephen Lalrinawma, MPS te chuan Joint Press Briefing an nei.

Pu Kumar Abhishek chuan, Election Commission of India in bye election programme a duan dan sawiin; ni 16th March an inthlan puan a ni a, vawiin ni 23rd March, 2021 ah Gazette Notification chhuah niin Nomination hi ni 30th March, 2021 thleng thehluh theih a ni anga, ni 31th March, 2021 ah Scrutiny neih a ni anga, ni 3rd April, 2021 thlengin inhnuhdawhna hun hawn zui a ni ang. Ni 17th April, 2021 ah vote thlak a ni anga, ni 2nd May, 2021 ah Vote chhiar a ni ang, ni 4th May, 2021 ah chuan inthlanna thil engkim zawh fel vek tur a ni tawh ang. 

Bye election lo awm tura hmalakna hrang hrang tarlang nghalin; inthlanna puan a nih rualin Model Code of Conduct viltu team te, Expenditure Monitoring team te Media Certification and Monitoring Committee te chuan hna an thawk nghal a, vawiin Gazette notification chhuah ni atang hian Static Surveillance team pathumte chuan hna an thawk tan ve leh nghal bawk a. Election atana thawktu inruat te, Model Code of Conduct leh Expenditure Monitoring training pawimawh te, nomination kalpui tura inbuatsaihna te engkim neih fel vek a nih tawh thu a tarlang bawk. Tun dinhmunah 26-Serchhip Assembly Constituency (ST) ah general voters 19,451 an awm mek thu leh an zinga 10,289 chu hmeichhia niin a dang  9162 chu mipa voters an nih thu te, voters sex ratio chu 1123 a nih mek thu te, Service voters 198 an awm mek thu leh ang zinga 196 chu mipa niin a dang 2 chu hmeichhia an nih thute, Constituency chhunga vote nei zawng zawng belhkhawm chu 19,649 a nih thute a tarlang bawk.

Pu Kumar Abhishek hian, vote thlak nia Covid19 laka himna tura Election Commission of India leh State sawrkar ruahmanna te engkim tha taka kalpui a nih tur thu pawh tarlangin, Polling Party te chu Covid19 invenna hmanraw tulte pek an nih tur thute, vote thlaktu mipuite tana Sanitizers chhawp a nih tur thute, voters kum 80 chunglam te tan te, PWD person te tan te, Covid19 patient leh quarantine a awm mek te tana Postal Ballot facility buatsaih sak an nih tur thute, inthlan vote thlak hun chu zing dar 7 atanga tlai lam dar 6 inkar a nih thute a tarlang a, hei bakah hian he bye election atana Statutory Officers leh nodal officers te, election officials pawimawh dangte pawh a tarlang bawk. He bye election ah hian Pu Kumar Abhishek, IAS, DEO, Serchhip chu Returning Officer a ni a, Pu Amol Srivastava, IAS, SDO Thenzawl chu Asst. Returning Officer leh 26 Serchhip AC ERO a ni a, Dr. Manesia Khaimeichho, MCS, SDC chu AERO a ni.

Pu Stephen Lalrinawma, MPS, Superintendent of Police, Serchhip pawhin dan leh thupek kenkawh kawnga Police hmalak dan tangpui sawiin, inthlanna puan a nih atanga boruak ralmuang a awm theih nan te, inthlanna dan leh sawrkar thupek dang bawhchhia an awm loh nana district chhung hmun hrang hranga duty an indah dan te, vote thlak nia Polling Station tin veng tura Police an in ruahman dan te, Polling Party leh Electronic Voting Machine himna tura ruahmanna te a tarlang bawk. 

Vawiina District Magistrate leh Superintendent of Police Joint Press Briefing hi Pu Lalmuansanga Ralte, MCS, Addl, DEO, Pu Amol Srivastava, IAS, ARO, Pu Vanlalhmachhuana, MCS, EO Dr. Manesia Khaimeichho, MCS, AERO leh Pu K. Saitluanga, MIS, Nodal Officer for Media ten an tawiawm a ni. 

He Press Briefing a District Magistrate Press Note leh a enclosures te PDF file in attached nghal a ni e.

Bye Election DM Press Note on Gazette notification day 23.3.2021.pdf

DM Press Note Enclosures 23-Mar-2021 15-30-50_compressed.pdf



Attachment

  • Loading attachment...