1077/2022-2023
Aizawl the 28th June, 2022: Mizoram Road Fund Board chu an chairman Chief Minister Pu Zoramthanga hovin vawiin chawhnu khan CM Conference Hall-ah board hmalakna thlirlet in, rel tur pawimawh te an rel.

He meeting-ah hian kum 2021-2022 chhunga kawng enkawl hna thawhte thlirlet a ni a. Board in Road maintenance fund hmanna tur a lo approve tawh cheng nuai 4000 chu hman zawh a ni a. Heng a hmanna hrang hrang te hi - Maintenance Action Plan te, normal maintenance leh bridge maintenance te, PMGSY leh fur ruahtui in a tihchhiat siamthatna te a ni. Vawiin meetingah hian The Mizoram Road Fund (Amendment) Act, 2016 in economic emaw social lam atanga kawng pawimawh bik, sawrkar in a notify thin te tia a sawi Core-Road network chungchang te, fund collection leh collecting agent chungchang te sawiho a ni a. Kum 2022-2023 atana Normal/Routine Maintenance of Roads, Maintenance Ation Plan, Maintenance of Completed PMGSY Roads, Maintenance of Bridges leh Monsoon Damage Repair tur atana chhawpchhuahte (total Rs. 4000 lakhs) chu pawm a ni bawk.

Mizoram Road Fund Board ah han Chief Minister Pu Zoramthanga chu PWD changtu a nih angin Chairman a ni a. Chief Secretary chu Vice-Chairman niin, Secretary PWD chu Member Secretary a ni a. A kaihhnawih sawrkar department-te, AMC, LADC, MADC, CADC aiawhte, ZDU, MTOA, MRTU leh tlawmngai pawl thenkhat aiawh an tel bawk.