2115/2024-2025

Dated Aizawl, the 18th September, 2024: Vawiin khan Chief Minister Pu Lalduhoma hovin Mizoram State Government Paddy & Rice Procurement Committee te chu CM Office-ah an thukhawm.

Mizorama buh chingtuten hlawk ve tawk taka an buhhum an hralh theih dan tur a ngaihtuah a. An lo zirchian tawhna behchhanin vawiin hian ruahmanna an siam.

Handholding Scheme nena kal kawp turin sawrkarin Mizoram thar chhuah buhhum ah support price a pe dawn a. A bultan nan kuminah Kolasib leh Mamit district ah kalpui phawt tur a ni. A kalpui dan tur kimchang hi naktukah Hand Holding Scheme hawnnaah puan a ni ang.

He meetingah hian Ration Card var neitute hnena subsidy rate thar kumin October thla atanga Mizoram puma kalpui tan a nih tur thu hetiang hian Minister Pu B. Lalchhanzova chuan a sawi:

"Sawrkarin Card var tana subsidy Rs. 25 a pek thin chu thla thar October atangin Rs. 10 a pek tan a tum a. Mizoram pumah Card var ho tan buhfai khul man Rs. 30 a ni tawh ang.

October thla atang vek hian Retailer te lawmman pawh kg khata duli (pawisa 50) ni thin chu chengkhat leh duli (Rs. 1.50) ah tihsan a ni tawh ang.

Retailer zawng zawng te buk dik taka mipui hnena buhfai pe chhuak turin hriattir an ni" tiin.

Meetingah hian Mizoram State Government Paddy & Rice Procurement Committee member te an kal tha hle a ni.