Mizoram Tourism Development Board chuan vawiin khan Chief Minister Office cabinet Room-ah an Chairman Pu Lal Thanhawla, Chief Minister hovin meeting an nei.

Meeting-ah hian sorkar enkawl lai tourist lodge leh highway restaurant thenkhat privatise dan tur chungchang rel a ni a. Tourist Lodge leh Highway Restaurant te hi tunah hian avaiin 38 an awm a, chung zinga 13 te chu privatise tura ruahman a ni a, Nagaland leh Sikkim a an kalpui dante zirin Mizoramah engtia kalpui ve nge ni ang tiin an rel a ni. Phai lam leh ram pawn atanga khualzinmite thlenna tur ‘branded hotel’ din dan tur ngaihtuah a ni bawk a. Hengte bakah hian Mizorama Institute of Hotel Management dinna turah, central sorkarin sum a rawn pek baka Mizoram sorkar tum ve tur hi engtinnge tlin ve theih anih ang tihte member ten an sawiho bawk a ni. Tourism Policy chungchang sawihona an nei bawk.

Meeting ah hian Pu S,Hiato, Tourism Minister, Pu H.Zothangliana, Parliamentary Secretary, Pu Lalkhama, Vice Chairman, Planning Board, Pu Lalduhoma, MLA, Pu L.R.Thanga, Principal Secretary to Chief Minister, Pi B.Sairengpuii, Secretary, Tourism, Tourism Director leh Officers te bakah Pu Ronald Sapa Tlau leh Pu Sangzela Tlau te an tel a ni.