Vawiin khan Serchhip DC Conference Hall-ah Chairperson National Commission for Scheduled Tribes (NCST) Dr. Rameshwar Oraon leh amah tawiawmtu pahnih -Sorkar Laipuia Joint Secretary Pu Aditya Mishra leh NCST Bhopal Regional Office-a Asst. Director Pu R.K. Dubey te hovin Serchhip District-a Dawngzawl ram BSF atan lak chungchangah hearing an nei. He Hearing hi a ram neitu ten an ram man(compensation) dawn chungchanga vuithu leh lungawi lohna an neih National Commission for for Scheduled Tribes -a an zualko, Commission in a rawn bawhzuina a ni.

Vawiin hearing ah hian Serchhip DC Pu P. Lalchhuanga, Revenue Department aiawhte leh he ram neitu mi 17 atangin mi 14 te chu an tel a ni. Dr. Rameshwar Oraon leh amah tawiawmtu te hian chipchiar takin heng mi 14 te leh Revenue aiawh chu he ram thu leh hla an zawt a. Hearing zawh hian Dr Rameshwar Oraon chuan Commission-in a Report a thehluh tur thu a sawi a. A ram neitu dik tak ten dikna leh an chanvo an hmuh theih nan theitawp a chhuah tur thu a sawi bawk a ni.

Naktuk zing lamah Chairperson NCST Dr. Rameshwar Oraon hian Department thenkhat hotulu ten nen I & PR Auditorium-ah meeting a nei anga, hemi hnu hian Press Conference a nei zui nghal ang.