Vawiin khan Kolasib DC Pi Niharika Rai, IAS hovin a office chamber-ah Teachers’ Day 2012 hman dan tur ngaihtuahin Committee neih a ni a. Kar leh September 5, (Nilaini) teachers’ Day chu District chhunga sikul tinah neih nise tiin an rel.

Teachers Day denchhen hian National Foundation for Teachers Welfare NFTW –a chhunluh turin Ball pen leh token flag te siam a hralh tur a ni a. Chuta sum tling khawm chu zirtirtu damlo tanpui ngaite tanpuina atana hman tur a nih dawn avangin tlawmngai taka lei turin Committee chuan mipui a ngen a ni. Teachers Day thuchah DC in a sawi chu local TV ah tihchhuah a ni dawn a, Zirtirtute hlutna leh anmahni zahna chungchang Talk show buatsaih a, Local Tv-a tihchhuah turin DC hova Committee chuan a rel bawk a ni

Attachment

  • Loading attachment...