Mizoramah Helicopter Service a awm theih dan tur relin, vawiin khan Chief Minister Pu Lal Thanhawla hovin a office cabinet room-ah sorkar hotute nen an sawiho.

Meeting chuan Mizorama helicopter tumna hmun, helipad awm tawhna hmunah te leh hmun pawimawh zual dang, avaiin hmun 10 velah helicopter service siam a, kumin August thla chhung ngeia tan hman nise a ti a. Hemi tura tul pawimawh, tender chu May ni 10 khan tihchhuah anih tawh thu tarlang in, June ni 11, 2012 thleng chhanna thehluh hun hawn a ni. Helicopter Service hi Mizoram-ah hun rei tak atanga tih tum tawh a ni a, central sorkar lam atanga phalna leh tuldangte hmuh mai theih anih loh avangin duh angin a kal chakpui theih loh a ni.

Meeting-ah hian Chief Secretary Pu Van Hela Pachuau, GAD Secretary Pi Renu Sharma, Principal Consultant (GAD Civil Aviation Wing), Wing Comdr. (Rtd) Pu Lalzawma te leh mi pawimawh dang an tel a ni.