School Education changtu Parliamentary Secretary Pu Chawngtinthanga chuan ni 12.5.2012 (Inrinni) khan N. Vanlaiphai, MSU Sub. Hqrs. buatsaihin N. Vanlaiphai Community Hall-ah HSLC leh HSSLC zirlai pass thar te chawimawina a hmanpui.
Pu Chawngtinthanga chuan zirlai pass tharte chu lawmpuina leh duhsakna a hlan a. Zirlai pass tharte chu an hringnun zinkawngah bung thar an kai dawn a ni tih hria a, an hmabak kawng an zawhna turah malsawmna leh hlawhtlinna chang tura taimakna leh tawrhchhelna an neih a pawimawh a ni tih hre reng tur leh fimkhur taka an nun kawng zawh turin a chah bawk.
He inkhawm hi Pu C. Lalhmachhuana, Adviser, MSU Sub Hqrs. N. Vanlaiphai chuan a kaihruai a, HSLC passed thar mi 30 leh HSSLC passed thar 28 te hnenah chawimawina certificate/citation khuallian Pu Chawngtinthanga chuan a hlan bawk. MSU Hqrs. Aizawl atangin General Secretary Pu Zodinpuia leh Lalremruata Chhangte, Asst. G/S MSU ten an hmanpui bawk a ni.
