NLUP Apex Boars meeting chu vawiin khan Chief Minister Office Conference Hall-ah Chief Minister Pu Lal Thanhawla kaihhruaina hnuaiah neih a ni

 

 

Meetingah hian agenda items chi hrang hrang 15 chhawpchhuah a niin, siam that ngai awmte siam tha in pawm an ni. Chief Minister chuan NLUP chu tihkhawtlai rei anih loh nan training nei turte pawhin kar hnih - khat chhunga training buarsaih sak nise a ti a. NLUP dinhmun a sawifiah hmasa bawk a ni.

Meeting chuan agenda chhawpchhuah, Village leh District level committee chu pawmin, baseline survey report pawh a pawm a. NLUP programme beihpui thlak thuai nise tihah, kumin April - June thla chhungin a dawng tur mi 10,000 vel hnenah a hma thei ang bera bul tana, line departmentte pawhin a tul ang thawk nghal se an ti a. Implementing Boatd Secretary hnenah financial leh administrative power hlanchhawn remtih a ni bawk a.  NLUP chu kan state plan piahlam central sorkar sum atanga kalpui anih dawn avangin central sorkar funding pattern anga kalpuia, NLUP Apex Board ah central sorkar aiawh tel ve leh State Level Technical Committee a line department tinah Central Ministries / Deptt aiawh dah te pawm a ni a. Hengte bakah hian NLUP Implementation kaihhnawih, land use planning, district level plan leh capacity building te remtih a ni a. NLUP policy intervention chungchangte, investment policy leh kuthnathawktute hamthatna tur insurance chi hrang hrang te pawm a ni bawk a ni.

Meetingah hian Board member te leh official an kal tha hle a ni.