Khawvel pumpuiin hriselna lam beihpui ni a an lo hman thin 7 April, 2010 chu kan lo thleng leh ta a, kum 2010 - a thupui chu, “Urbanisation and Health” tih a ni a. Khawpui thang zel hian kan hriselna a thalo zawngin a nghawng nasa hle a. Tunah hian 50% vel khawpuia cheng anga ngaih kan ni a, kum 2030 ah chuan 60% niin kum 2050 ah phei chuan 70% kan tling phak tura chhut a ni. Hei hian lirthei leh thilsiamna atanga boruak thalo leh bawlhhlawh tam vangte, hmun chep lutuk vang te leh kawng hrang hrangin kan hriselna a tichhia in natna a pung dawn a ni. Hemi dona atan hian “1000 Cities, 1000 Lives” vuahin khawvel a khawpui lian 1000 thlanchhuahah hriselna atana beihpui thlak tura ruahman a ni.