NLUP hnathawhna atan kawng hrang hranga IT hman tangkaina tura Radiant Integrity Techno Solution ten software an duan chu vawiin khan Chief Minister Pu Lal Thanhawla hovin Chief Minister’s conference room ah State Planning Board Vice Chairman Pu H.Liansailova leh NLUP Implementing Board Chairman Pu J.H.Rothuama leh official mi pawimawh ten an thlir ho a. Lebbaeus Denis, CEO, RITS in presentation hmangin he software tangkaina tur te a hrilhfiah a. NLUP a hlawhtlin ngei theihna tura chak tak leh langtlang zawka he project hi kalpui turin IT hman tangkai theihna tur hrang hrang te he software hian a pai a ni. Chief Minister chuan he software chungchanga thutlukna siam hma in official levelah technical expert te nena la thlir ho phawt tur leh NLUP Apex Board in thu tlukna a siam turin a ti a ni.