Vawiin chawhma dar 11AM khan District Bawrhsap Pu Alok Swarup IAS , office chamber-ah Saiha District Anti- Tobacco Squad ten Meeting an nei a. He Meeting hi Bawrhsap in a kaihhruai nghal a ni.

He meeting-ah hian Saiha District chhunga Cigarettes and Others Products Act (COTPA), 2003 chak zawka kalpui dan tur te relin, Public Awareness campaign neihna tur hmanrua atan cable TV kaltlanga talk Show neih te, Deparment/office leh Zirna in hrang hrang te tlawha, Half day training/ seminar te neih pui nise, tih te rel a ni. Meeting-ah hian Compliance Study 2013 Report thlira zirho a nghal a ni a. He report-ah hian kum 2009, 2011 leh 2013 chhunga vaihlo leh a kaihhnawih thil Mizoram District 8 chhunga a hluar dan leh COTPA,2003 mipuiin kan zawm that leh that lo tehna data hrang hrang tarlan a ni a. Report-a a landan chuan Saiha district-ah active smoker a kum telin an tlem tial tial a, mahse Mizoram district 8 zinga active smoker tamna ber leh Meizial khu leng vel tamna ber a la ni ta cheu a ni.

Vawiin anti-tobacco squad meeting chuan Saiha district IMR (Infant Mortality Rate) sang lutuk leh kan meizu nasa lutuk hian inkungkaihna a nei thei em? tih te pawh huangzau takin an sawiho bawk a ni.