Vawiin chawhnu khan Chief Minister leh NLUP Apex Board Chairman ni bawk Pu Lal Thanhawla hovin NLUP hnuaia 3rd leh 4th Phase a AH & Vety. Department in vawkvulh thlangtu beneficiaries te hnenah vawk note sem an kalpui mek dan thlir ho a ni a, chak zawka vawk note sem hna kalpui theih nan a ruahmanna siamte sawiho niin a bawhzui dan rel a ni bawk.

Meeting ah hian vawk note semna atana Operational Guidelines siam kenkawhna atana AH & Vety. Department hmalakna leh inpuahchahna te ngaihthlak a ni a, Vawk note sem chhunzawm chungchangah meeting October ni 25, 2016, Chief Minister hova neiha, meeting thutlukna siam zulzuia AH & Vety Department in heng thil a kalpui dan leh a hlenchhuah dan report tarlan a ni bawk.

Meeting ah hian Agriculture Minister Pu R. Lalzirliana, State Planning Board Vice Chairman Pu H. Liansailova, AH & Vety. Minister Pu C. Ngunlianchunga, NLUP Implementing Board Chairman Pu J.H. Rothuama leh Vice Chairman Pu P.L. Thanga te bakah AH &Vety. Department leh NIB hotute an tel bawk a ni.