No.3144/2020-2020

Aizawl the 16th July, 2020: Vawiin khan Road and Infrastructure Development Board chuan an chairman Chief Minister Pu Zoramthanga hovin Mizoram chhung kawng siamthat leh tihhmasawn zelna tura board hmalakna tur pawimawh te ngaihtuahin CM office-ah an thukhawm. Board Vice-chairman Er. H. Lalzirliana, MLA, Addl CS Pu J.C. Ramthanga leh member dangte an tel kim hle a ni.

Chief Minister Pu Zoramthanga chuan Road and Infrastructure Board chuan Mizoram chhung kawng siam leh enkawl bakah building leh hmasawnna ruangam, infrastructure tihhmasawnna hna te chu Mizoram sorkar sum hmanga thawh a ni emaw, sawrkar laipui sum hmanga thawh a ni emaw, a hmunah enfiah a contractor te hmalakna enzui chu a hna pawimawh tak pakhat a nih thu a sawi a. Mizoram highway pawimawh tak tak te hi sawrkar laipuiin contract a pekte thawh a nih thu a sawi a; tun dinhmunah pawh hmun pakhata kawng siamthat hna thawh mek chu contractor ten labour harsatna an tawh avanga hna an tan theihloh avanga lirthei in harsatna an tawh thu leh, chumi avang chuan state sum hmanga enkawl tur ni miahlo mahse, mamawhna a nasat em avangin state sorkar sum hmanga temporary a thawm that hna thawh a nih thu Chief Minister chuan a sawi a. Nakin zelah hetianga tih ngai hi a awm tawh loh nan a hunlaia uluk takin invil a enzuipui pawimawh thu sawiin Chief Minister chuan sawiin, hna tha thawh a nih ngei theih nan a tul a nih chuan Board chuan nawrpui tura hma pawh la mai tur a nih thu member te a a hriattir.

Chief Minister chuan fur ruahtui tla chu kawngin a tawrh phah nasat thin avangin tun dinhmunah pawh kawng chhiat avanga mipui chak lakna kawng pawimawh tak takte chu kal tlang theihlohna a awm mai loh nana hmalak chu tun a pawimawh hmasak ber thu a sawi a.

Vawiin meeting chuan board member te chu kawng enfiah tur inspection team pahnih ah then in, a remchang hmasa ber a chetchhuah tum a ni.

Kawng siam leh tihhmasawn lama state mamawh ang zela awmze nei taka hmalak chhoh zel a nih theih nan Decade Plan (2021-2030), kum sawm chhunga hmalakna tur, mamawh dan indawt a ruahmanna siam chungchang te vawiin meeting ah hian sawi a ni bawk a. Board inkaihhruaina terms of reference chungchang te sawiho a ni bawk.