Nimin (September ni 5) khan Save Chite Lui Coordination Committee (SCLCC) chuan an Patron Chief Minister Pu Zoramthanga hovin a office-ah Chite Lui humhalhna tura hmalakna kal mekte an thlir ho.

He hunah hian Save Chite Lui Action Plan Phase-II hnuaia Chite Lui cheithat dan tur hrang hrangte leh hna thawhna tur atana sum hmuhna turte sawiho a ni a. Scheme siamna tura ruahmanna hrang hrangte chu a hmun a kalin luidung thlirho leh phawt hnuah Chief Minister hova sawiho leh thuai nise an ti.   

Chief Minister hova thukhawm chuan Save Chite Lui Coordination Committee leh a hnuaia Executive Committee siamthat dan tur ruahmanna an sawiho bakah Chite Lui Rules buatsaih mek pawh sawiho a ni bawk.

Chief Minister kaihhruai thutkhawmnaah hian Pu P. C. Lalhmingthanga, Mayor, AMC leh SCLCC Vice Chairman ni bawk bakah SCLCC hruaitute an tel a ni.