Vawiin chawhma khan Pu C. Ramhluna, Vice Chairman, Industrial Development Board chuan Vanapa hall-ah  mipui vantlang dawr theih turin Handloom Dawr 36 awmna, Monsoon Handloom Fair 2019 chu a hawng.

Department of Commerce & Industries, Government of Mizoram leh  Mizoram Handloom, Handicrafts Research & Promotion Council te tangkawpin a buatsaih,  Monsoon Fair 2019 hian ni 2 chhung a awh dawn a. He  dawrpuiah hian Mizo Pawnchei, Thawhnaw hrang hrang,  Ipte,  thil chei  mawi hrang hrang leh inchhung cheina chi hrang hrang te zawrh a ni a. Thil man tlawmte atanga  Rs 10,000 man thleng te pho chhuah  a ni a. Monsoon fair 2019-ah hian Aizawl khawpui chhunga handloom unit 22, Thenzawl atangin unit 10, Sailam atangin unit 2, Lawngtlai atangin unit 1 leh Mualthuam  atangin unit 1 an tel a ni.