Pi Sangchhin Chinzah, Serchhip District Bawrhsap chuan Tuichang Lei enkawlna chungchangah a hnuai ami ang hian thupek a chhuah.
Sr. Executive Engineer, PWD Serchhip Division hnen atanga report kan dawn angina Tuichang Lei (Bridge) hi a hlui tawh deuh avangin dim leh a phurh theih chin bituk a ngai niin hriat a ni a. Mipuiin harsatna an tawh loh nan leh an him nan thupek chhuah a ngaiin ka hria a ni.
Chuvangin, Kei, SANGCHHIN CHINZAH, MCS, DISTRICT MAGISTRATE, Serchhip District, Serchhip chuan Section 144 Cr. PC. 1973 in thuneihna min pek hmangin a hnuaia mi ang hian khapna thupek ka chhuah e.
1. Tuichang Lei (bridge) chhak lam leh thlang lam 100 metres (meter za) huam chhungah lung halna hmanga lung lak khap tlat a ni.
2. Tuichang Lei (Bridge) hi a hlui leh a chhiat deuh tawh avangin Motor rihna leh a thil phurh belhkhawma 10 Ton (Ton sawm) aia rit in a zawh tur a ni lova, Lei (bridge) ah hian eng Motor pawh 10 km/hr aia chaka tlan phal a ni lo.
He thupek hian thu leh awm hma chu puan anih atanga thla 2 (hnih) chhung a huam ang.
He thupek bawhchhiate chu Section 188 IPC angin hrem theih an ni ang.
He thupek hi vawiin 5th September, 2019 hian District Magistrate seal chhu-a nemnghetin ka hming ka ziah hnan e.
