Vawiin chawhnu khan Chief Minister Pu Lal Thanhawla chuan Chief Minister's Conference Room-ah sawrkar mi pawimawh te leh Autonomous District Council pathum: Lai Autonomous District Council(LADC), Mara Autonomous District Council(MADC) leh Chakma Autonomous District Council(CADC) hruaitute  chu Autonomous District Councils (ADC’s) chung changah ko khawm in thu pawimawh a sawipui. 

Meeting kaihruaitu Chief Minister Pu Lal Thanhawla chuan ADC’s te chu tunhnaiah fimkhur an ngaihna lai te a lo hriat thin thu sawiin fimkhur taka ram rawngbawlna kalpui zel turin a chah a. Administration kenkawh tluk zetin sum hmandan dik taka kalpui chu,  ADC’s ten harsatna an tawh loh nan an hriat a pawimawh a ti a. ADC te chuan Financial Discipline khauh taka an zawm leh langtlang taka an hnathawh te an hlen, Mizoram Governor Lt.Gen. Nirbhay Sharma (Retd.) pawhin a beisei tih a sawi. 

Chief Minister hova ADC’s  puala thu ngaihtuah pawimawh zingah hian Department 19 enkawlna chungchang  leh mawhphurhna te,  State atanga ADC’s te hnena  hlan tawh chungchanga sawrkar dinna leh ADC’s te thilphut chungchang  ‘Transfer of Subjects to the 3(three) Autonomous District Councils’, Sum hmanna tur bik thliar hranna chungchang ‘ Separate Head of Accounts for District Council & Minority Affairs Department’,  State Matching Share(SMS),  ADC te hnena pek chungchang ‘Allocation of SMS to the 3(three) ADC’s,  Dan siam zirchiansak chungchang ‘Vetting of Bills, Ruls & Regulations,etc’, Fund rules leh Grant in Aid(GIA) Rules siam that chungchang bakah thu pawimawh dang te pawh sawi ho a ni.