Vawiin khan  Chief Minister, Finance Minister ni bawk Pu Lalthanhawla Office ah  kum 2008-2009 kum chanve chhunga Sorkar sum dinhmun an thlir let.

 

 

He meeting hi Chief Minister in a kaihruai a, The Mizoram Fiscal Responsibility and Budget Management Act, 2006 in a phut angin Finance Minister in kum chanve a ral apiangin sum dinhmun review a neih thin a ngai a.  He Finance Minister review hi Assembly ah la pharh leh tur  a ni.  Accountant General, Mizoram atanga April-September Monthly Civil Accounts behchhanin he review meeting hi neih a ni a, March, 2009 Civil Accounts dawn hunah 2008-2009 second half review neih leh a ni ang.

He review meeting hian kum 2008-2009 kum chanve hmalam chhunga sum dawn leh hmanchhuah chu tha thawkhatah a ngai a.  Amaherawhchu sum hmandan kawngah siam that tul hrang hrang te pawh huam zau takin an sawiho a ni.

He meeting ah hian Parliamentary i/c Finance Chief Secretary, Principal Secretary, Finance bakah Finance Department leh Planning Department officer te an tel a ni.