Vawiin khan Chhimveng YMA Hall, Mamit ah Mamit Joint Village Council, Mamit leh District Education Committee tangkawp buatsaihin kum 2009 HSLC leh HSSLC a zirlai tithate chawimawina hun hman a ni.
Chawhma session, zing dar 11:00, Pu Lalhlupuia, Chairman, Joint V/C Mamit kaihhruaiah thu sawiin Pu Zothankhuma, District Bawrhsap, Chairman, District Education Committee ni bawk chuan zirna-in a tum ber chu zirlaite By-Heart a thiam ngawt hi a ni lova, kan zirlaite a taka hman tangkai thiam hi Quality Edu-cation-in a tum ber a ni a ti. Zin veivaha hmun hrang hrang a mi khawsak phung hriata chumi atanga hmasawnna kan zir chhuah te pawh hi Quality Education hian a huam vek a ni tiin, hei bakah hian aia upa te zahna thinlung pu theuh turin zirlai lo kalkhawm te a chah a. Zirtirtu te pawh zirlai mihring puitling ni thei ngei tura thahnem ngai taka zirtirna pe thin turin a ngen bawk. DC chuan tuna mi hlawhtling kan chawimawite hi a bul tanna nise, kumtharah chuan a let aia tam chawimawi theih turin Zirlaite tanla turin a chah bawk a ni.
He zirlai chawimawina inkhawm ah hian zirlai tithate, Distinction - 5 (Panga) leh 1st Division - 15 (Sawm Panga) te certificate leh pawisa fai hlan an ni a, Pu Zothankhuma, Chairman, District Education Committee leh Pu Zohmingthanga Secretary, District Education Committee ten an hlan a ni.
Chawhnu Session, Chawhnu dar 1:00, Pu Zohmingthanga, Secretary, DEC, DPC, SSA Mission Mamit ni bawk chuan kaihruaiin hetah hian zirlai nu leh pa te, zirtirtute infuih tharna hun hman a ni a, Resource Person Pu K.Sapdanga, Tv.Laltlanzova Khiangte leh Tv. B.Lalchhanzova, Aizawl ten hun an hmanga, sawihona hun buatsaih a ni bawk.
He zirlai tithate chawimawina hunah hian khawtlang nu leh pa, zirtirtu te bakah zirlaite an tel tha hle a ni.
He zirlai chawimawina inkhawm ah hian zirlai tithate, Distinction - 5 (Panga) leh 1st Division - 15 (Sawm Panga) te certificate leh pawisa fai hlan an ni a, Pu Zothankhuma, Chairman, District Education Committee leh Pu Zohmingthanga Secretary, District Education Committee ten an hlan a ni.
Chawhnu Session, Chawhnu dar 1:00, Pu Zohmingthanga, Secretary, DEC, DPC, SSA Mission Mamit ni bawk chuan kaihruaiin hetah hian zirlai nu leh pa te, zirtirtute infuih tharna hun hman a ni a, Resource Person Pu K.Sapdanga, Tv.Laltlanzova Khiangte leh Tv. B.Lalchhanzova, Aizawl ten hun an hmanga, sawihona hun buatsaih a ni bawk.
He zirlai tithate chawimawina hunah hian khawtlang nu leh pa, zirtirtu te bakah zirlaite an tel tha hle a ni.
