Vawiin khan Cricket Association of Mizoram (CAM) chu an Chairman, Chief Minister Pu Lal Thanhawla hovin Aijal Club Conference Room-ah Special General Body Meeting an nei a ni.

Chief Minister chuan Mizorama Cricket infiamna a tuimi ten rei tak beiseina sang tak nena an lo beih hnu ah an beisei ber BCCI Affiliation an hma ta chu lawmawm a tih thu a sawi a. Member te an zavaia hmalak tlanna rah a nih thu sawiin CAM chairman chuan hmabak la awm zawng zawngte pawh tihlawhtling tura phur taka bei zel turin a sawm a. Mahni state time table anga kal tawh lovin BCCI ruahmanna ang zela match leh inkaihhruaina te pawh kalpui tur a nih tawh dawn avangin inthurual leh thahnemngai taka thawhho zel pawimawh a ti a ni.

Vawiin meeting hian CAM chu BCCI Affiliated member a nih avanga constitution thar a zawm tur chungchanga thu pawimawh rel ngai hrang hrangte rel a ni. CAM chu kumin August ni 9 khan BCCI ah permanent member nihna hmu in hruaitu thlanna ah pawh a tel ve thei tawh a. Kumin atana tournament awm tur hrang hrangah Mizoram pawh tel ve dawn in, Suaka Cricket Stadium ah Under-16 Tournament thleng tura ruahmanna siam tawh a ni.

Attachment

  • Loading attachment...